Wat’n Malöör! Schenierliches op’n Oktoberfest in München

Dat uns Döchting Silke in een Hamborger Alpenverein ringohn is, is jo nu grood keen Malöör. Ok dat sä dann no München trocken is, um ehren Frünnen, de Bargen, noh to sien, is för uns Öllern zwoar trurig, ober keen Malöör.
Ton Oktoberfest, wat egentlich Septemberfest heten mutt, hett sä uns inlod, wi schalln ehr München mol richtig bekieken und ton Affsluss schall dat op dat Oktoberfest, op de Wies’n gohn.
För de Reis achter den Weißwurscht Äquator hebb ick extra ne neege Büx kreegen. Ne “sstonwoscht“ Dschiens, wat ober ansick ook keen Malöör is, doch wart mol aff…
Wie sind mit den ICE rünner föhrt und watt wie dorbi allens erlevt hefft, dat wär alleen schon een obendfüllende Malöörgeschicht!
Obers nu tau unse „sightseeing tour“ dörch Silke ehr München:
Mit’m Stachus sind wi anfungen und denn op de Fruunskark und op‘n Ollen Peter klabastert, hebbt uns den Viktualienmarkrt bekeeken und, weil wie Döst kreegen harn, bi Dallmayer een Koffi drunken.
As sick dann de Kohldampf melden dei, sünd wie in Mosi siene Hundskugel inkehrt und hebbt dor Weißwurscht eeten. De wär so labberich, dat ick dortau een grootes Beer drunken heff.
Obers nu sünd wi mit de Bohn noh de Wies’n föhrt.
Dat Wedder wär wie ut’n Billerbook und allens vull vun Minschen. De Bayern hebbt ehr Drachtentüüch öbertrocken und de Joponers ehre Knipsapporote umhängt.
Wie löppt ierstmol alles aff… na jo, uns Hamburger Dom mütt sik dor achter nich versteeken, hee is nur beeten lütter ober minds so scheun!
Mann, hett dat Hend’l innen Beergoarn good smeckt und de Moaß’n hätt nur so zischt. Silke hett ehr nich schafft Und Vadder hätt dacht: Worümm den Wirt wat schenken, lever den Mogen verrenken!
Bi de Bude vun Kaefer drinkt wi noch een Koffi, wiel, wi wüllt de scheunen Beekers as Andenken mit no Huus nehmen.
“So, Pappa, nun noch aufs Riesenrad, dann kannst du von oben schön fotografieren!“ meen Silke. Anne Kass steiht ne lange Schlange… mookt nix, wie hefft jo Tied. Nur eegentlich mööt ick  mol wo hin, de Koffi und dat veele Beer moken sick bemerkboar. Och watt, datt wars woll noch utholln, dat vergeiht wedder!
Na, wie hebbt inne Gondel seeten und ick uns Modder, de wegen ehr Höhenangst ünnen bleven is vun baven fotografeert. Und noch ne Runde und noch ne Runde und ick kneep all de Beens tosomen.
Und nu mutt ick doch ganz dringelich… Wo is dat bloß, wo man(n) mol kann? Silke weet Bescheed: „Jümmers de bluen Schilders noh, Pappa!“
Jo, dor achter steiht een Toilettenwogen und daför ne lange Schlange Kierls, alle mit dem glieken „maßvollen“ Bedürfnis!
Mann o Mann, ick höll dat nich mehr ut. Aff un an trampel ick vun een Faut op den annern. Helpt nich veel und min Achtermann grient all. Peinlich!
Endlich! Ick stoh ant Becken Ick fummel as wild annen Hosenstall rüm… Ick kreeg den Knopp nich dörch dat Knopplock… verdammi noch mol,,, und den Riezversluss nich tofooten! Und de vertrackte Büx im ganzen rünner trecken geiht ook nich!
Mi löppt dat Woder vun de Stirn… und nu heiß de Hosenbeens hendool. Ick kanns nich mehr holn!. Mann, wat schenerlich!
De Kierls neben mi, hebbt nix marken und ick inzwüschen natte Schoh.
Mit de Nummer kunn ick uptreten, denn mine Fruunsmischen köönt sick vör Lachen nich inholen, as ick breitbeinig bi jem wedder upkrüzt bün..
Butensiets hätt min Büx jo noch ehr olle Farf, ober dor twüschen hätt sä sich dunkelblu verfarft. Ick weet gor nich, wat‚s dor öberto lachen gifft.
Na, good… orrer ok nich… wie sünd dann mit de Bohn no Huus föhrt. De beeden Fruun hebbt een anner Afdehl nomen, ick weet nich worümm…
Silke hett to Huus de Büx glieks inne Waschmaschin steeken und gegackert hebbt de beeden noch bitt wie inne Puch gohn sünd.
Wat hebb ich ut dat Malöör liernt?
Op dat nächste Oktoberfest treck ick mi ne leddern Seppelbüx an, de hett vörn ne Klappe!
Sowat passeert mi nich wedder.

die Frauenkirche

München

Advertisements

11 Kommentare

Eingeordnet unter Allgemein

11 Antworten zu “Wat’n Malöör! Schenierliches op’n Oktoberfest in München

  1. Sabine Fildebrandt

    Ach du leeve Tied, wat een Blamaasch… kann ick mi good vörstelln, dat dat een grooten Spiföök för de Fruunslüd weer:-D
    To mi hept de Bayern int Beertelt jümmers seggt, dat ich nich inn Humpen rinspeen, sünnern utdrinken schull.

    Sabine

  2. Jo, min leve Sabbelbiene, Blameern kann ick mi good! 🙂 Danke för dann lustigen Kommentar

  3. Ich find’s ja immer wieder schade, dass ich selbst kein Plattdüütsch sprechen kann. Aber wenigstens das Verstehen klappt 🙂

  4. Ja, liebe Nele, so ähnlich gehts mir mit Spanisch, ich kann es weder sprechen noch verstehen, aber manches kommt mir „spanisch“ vor.

  5. Ulli Bögle

    Hallo Hannsel
    das ist ja mal ’ne Geschichte! Wenn Du dann aber so ’ne kaufst, bitte unbedingt darauf achten, dass das >Latzerl> wirklich vorne ist :-))))
    Herzliche Grüsse aus der Schwiiz
    Ueli

  6. Moin, lieber Ueli, bin ertsaunt, dass du dir das Plattdütsch übersetzen konntest, ich hätte mit Schwiizerdütsch so meine Schwierigkeiten. Deinen Tip werde ich beherzigen 🙂 Gruß von der Elbe in den kalten Süden, Hannsel

  7. Jo, lach mi wech……………….Dat kenn ick ok, overs ick stunn mit de Wivers TOSAMEN in so`n Tantemeierkist.Vör de – D – wer so`n lange Schlang, dat se all bi uns in – H – weern.So stünn ick an so`n Standbecken un links un rechs und ok achter mi Frunslüüd………….man , weer dat een Geföhl.
    Overs wat anners. Beer krechs blos in sun Telt un de weern all överfüllt………un ick har Dörst.Wi harrn twe Deerns in Schlepptau un de leepen an`ne Siit rinn un kemen mit de Kellner ruut, de de ganze Arm vull Humpen har. He verköfte uns veer Stück un ick muß wiit över de Hälfte vun all dat Beer drinken, denn de dree Frunslüüd kregen dat nich all dool…..Jo, un nu duert dat ok nich lang un ick har Druck op de Blos,. So keem dat mit de Frunslüüd um mi rum.
    Najo, de beiden Deerns harn wi dat to verdanken , dat wi noch rechtidi een Taxi kreegen na unse Bus henn, denn wi mussen noch no achter Nürnberg in son Dörp, wo unse Hotel weer.

    Overs dat heff ick leehrt, to *Oktoberfest + ? Eenmol un nich wedder !!!
    So , leeve Hannsel, veele Gröten ut`n Putt vun Kuddel

    • Jo, leven Kuddel, dat Beer hold sich nich lang in lütte Blasen. 🙂 Übrigens zu Møn: de lütte Insel is so ähnlich as Rügen, blots scheuner. n‘ Huus hebbt wie nich abers sieht negenteinfiefundsöbentig föhrt wie dschesdes Johr henn. Elbländische Grötens innen Pott, Hannsel

  8. ……da finden die Münchner Wiesn und Hamburger Platt hier zusammen……Was für eine Mischung……

  9. Jo, un dat find ick sowat vun scheun. Dat NET mokt dat möglich………….wodennig komt de Minschen sunst SO tohopen !!
    Gröten vun Kuddel ut`n Putt

  10. meine „liebste Freundin“ Ursel mailte mir zu diesem Artikel:
    Moin, Hannsel,
    eegentlich hab ich gar keen Tied, aber as ick mi eben an Sünndag erinnert hab, feel mir een, dat ick noch nich op dine Plattdütschgeschicht reagiert hab. Wi kannt sie ja schon all lang, obers in Plattdütsch wor sie nett to lesen. Ick heff noch nie in Plattdütsch schreeben un auch nur in Partylaune Plattdütsch sprochen, ob nu will ick es versuchen, un dir een Geschicht vertelln.
    Dieter un ick weern am Sünndag mit uns Enkelkindern opn Alstervergnögen.Wir also mit de Kinners und een Schlitten vun eene Sied to de anner röber. Es war doll anzuseen, ober leeders war keen Sunn mehr, un een vun de Kinners fror, un wi all hett Hunger. Man war ja all lang unterwegs.Un nun mutt de Erwachsenen mol op de Toilett. Dieter hatte de Gelegenheit, hinter een Baum zu gehn. Dann hätt he sick an de lang Bratwurstslange anstellt un ick bin auf Toilett-Sook gangen. Nach ne Tied sah ich endlich von wieten een lang Toiletten- Slang, ober dat wärn nur 2 Dixis. Nee dacht ich, nicht auf Dixis und ging wieder.Aber es kam keen Toilettenwagen, nur weeder 2 Dixis mit ganz veele Lüd davor. Es half nix, ick mot mi ansloten. Un es duert un duert, de Lüd hett veel Skihosen anhept un die an und autzuziehen duert.Un de Slang schien as word se garnicht körter. Ick heff över ne halb Stünd darstand und hep mi schon ausmalt, wat ich moken do, wenn ick es nich mehr schaffen du. De Lüd vor mi ging ok schon jümmers von een Been to de anners.Da klingelt plötzlich min Telefon un Dieter frog mi, wo ick abbleben de.De Wurst is schon all kalt.Ick sek nur, jümmers noch be de Toilett un leg glieks op, denn ick weer nu an de Riehe. Hurra, es is gut gangen. Aber frog mi nich, wie es in de grote Trog aussehen dat. Dat Fass war kurz vorm Öberlaufen… För dat nächste Alstervergnögen in 15 Johr wünsch eek mi een richtigen Toilettenwogen….
    Ursel

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google+ Foto

Du kommentierst mit Deinem Google+-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

w

Verbinde mit %s